Овој повозрасен човек верувал дека ја запознал љубовта на својот живот, но кога пристигнал на адресата, се шокирал од глетката
Овој маж, кој верувал дека се вљубил во мисица, се шокирал откако поминал речиси 800 километри за да ја запознае и открил дека е жртва на интернет-измама.
Мишел (76) од Белгија мислел дека конечно ќе ја сретне љубовта на својот живот, познатата манекенка Софи Вузелан. Но кога пристигнал на нејзината адреса во Сент Жилиен, Франција, вратата му ја отворил нејзиниот сопруг Фабиен.
Вљубениот пензионер кажал дека тој е нејзиниот иден сопруг, на што домаќинот му одговорил: „па, јас сум сегашниот.“
Мишел бил уверен дека преку апликацијата Vocap се допишувал со Софи, која била прва придружничка на изборот на Мис на Франција во 2007 година.
Бил толку уверен во нивната врска што дури и ѝ испратил неверојатни 25.000 фунти (повеќе од 23.000 евра) на заем, верувајќи дека ѝ помага на жената што ја сака.
Брачната двојка подоцна споделила видео на социјалните мрежи од оваа болна средба, со надеж дека така ќе ги предупредат другите да не станат жртва на љубовни измами. Во видеото се слуша како Мишел вели:
„Мислам дека ужасно ме измами. Јас сум идиот.“
Потоа, му ја покажал нивната преписка на Фабиен.
„Мојата сопруга? Не, тоа се лажни профили“, нагласил Фабиен.
„Мора да бидете многу внимателни.“
Видеото го објавил на Инстаграм и напишал:
„Многу ми е жал за овој човек. Чувајте се од лажни профили. Го споделувам ова видео за да покажам дека ова навистина се случува и дека треба да бидете внимателни. Чувајте се.“
Софи, која е бремена и очекува бебе со Фабиен, изјавила дека целиот инцидент ја погодил право во срце.
Поврзани објави
Корисниците на социјалните мрежи ја изразиле својата загриженост што измамниците ја знаеле нивната адреса.
Еден корисник напишал:
„Сите мора да внимаваме! Лажните профили и измамите се ужасни“
Друг додал:
„Сирота Софи, бремена и во центарот на сето ова. Се надевам дека нема да се повтори вакво нешто и дека сè ќе помине како што треба. Чувајте се и двајцата.“
Софи во одговорот напишала:
„Ви благодарам, не е лесно.“
Трет корисник напишал:
„Неверојатно, каква приказна! Сирот човек. Ужасно е тоа што сè уште постојат луѓе кои ги прелажуваат другите. Се надеваме дека никогаш веќе нема да ви се случи ништо слично и дека ќе можете да живеете мирно.“
Друг коментар гласел:
„Опасноста од социјалните мрежи. Но навистина ме чуди како можеле да ја знаат вашата адреса. Тоа воопшто не е нормално.“
На крајот, некој заклучил кратко:
„И ја имал адресата. Страшно.“
ФОТО: Инстаграм
