Иако често со гордост зборува за своето семејство, пејачката Светлана Цеца Ражнатовиќ ретко во јавноста ги покажувала своите родители. Како што и самата има раскажувано, тие никогаш не биле љубители на светот на шоу-бизнисот и свесно избирале да останат подалеку од рефлекторите.
Сепак, во една прилика Цеца направила исклучок и објавила фотографија од младоста на која се заедно со нејзините родители и сестра ѝ Лидија.
Токму фотографијата привлече големо внимание, особено поради неверојатната сличност меѓу Цеца и Лидија во младоста. Двете сестри тогаш имале темна коса и биле толку слични што на прв поглед е тешко да се разликуваат.
Цеца во повеќе наврати зборувала за своите родители, кои, како што открила, биле строги, но истовремено ѝ биле голема поддршка, особено кога одлучила да се занимава со музика наместо да избере професија која тие ја сметале за „посериозна“.
Пејачката еднаш раскажала и интересна анегдота од своето раѓање.
„Кога се родив и првпат заплакав, татко ми рекол: ‘Се роди пејачка!’ Како да ја предвидел мојата идна кариера“, се присетила Цеца.
По 17 месеци, на свет дошла и Лидија, а со текот на годините сестрите станале најдобри пријателки.
„Тоа сме и денес! Таа е втора мајка на моите деца, а јас на нејзините“, открила пејачката.
Цеца се присетила и на строгото воспитување во нивниот дом. Родителите им поставувале јасни граници и очекувале двете сестри да ги почитуваат.
„Се сеќавам дека едно лето, кога излегувањето беше дури во десет навечер, мајка ми ни рече: ‘Можете да излезете во девет, а кога ќе помислам дека сте таму, вие веќе да сте овде. Ако не ви се допаѓа, мене уште подобро – останете дома’“, раскажала Цеца.
Старата семејна фотографија денес открива едно поинакво, досега поретко видено лице на познатата пејачка – Цеца пред годините на големата слава, заедно со луѓето со кои го поминала детството.
