Расолот од краставички, капари, маслинки и дури фета сирење може да се искористи на повеќе начини и да му даде сосема нов вкус на јадењето.
Откако ќе ги изедете киселите краставички, капарите или фета сирењето, најчесто останува само течноста во теглата. Наместо веднаш да ја фрлите, можете да ја искористите како едноставен начин да внесете повеќе вкус во следното јадење.
Расолот може да биде одлична основа за маринада за месо, особено ако сакате месото да биде посочно и ароматично. Може да се додаде и во прелив за салата, заедно со малку масло, а добро оди и со салати со мешунки или туна.
Но, тука не завршува неговата употреба. Во веќе искористениот расол можете да ставите свежи краставички, морков, кромид или друго зеленчук, со што добивате нова тура кисела храна без да правите нова саламура.
Поврзани објави
Мала количина може да се додаде и директно во готово јадење. Неколку лажички расол можат да внесат соленост и киселкаст вкус во зеленчук, сосови или чорби, особено кога јадењето ви изгледа „без вкус“.
Сепак, пред повторно да ја употребите течноста, проверете ја. Ако има непријатен мирис, чуден изглед или необична заматеност, подобро е да ја фрлите.
Следниот пат кога ќе остане расол во фрижидерот, не гледајте на него како на отпад. Понекогаш токму во теглата што мислиме дека е празна се крие состојката што може да го промени целото јадење.
pexels – kiseli krastavicki – zimnica
