Хајди Клум уште еднаш потврди дека кога еднаш си „Ангел“, тоа трае засекогаш. На Неделата на модата во Париз, супер моделот блесна на писта и покажа дека некои работи никогаш не стареат.
Во друштво на светски познати амбасадори како Кендал Џенер, Виола Дејвис, Џејн Фонда и многу други, Хајди заблеска на ревијата на „L’Oréal Paris“. По завршувањето на Неделата на модата во Милано, сите модни инсјадери и ѕвезди се упатија кон Париз, каде што следеше серија ревии една по друга.
Хајди се појави на познатата сцена со својот препознатлив шарм и енергија на супермодел, на ревијата „Le Défilé 2025“, која слави „убавина, мода и непобедливата моќ на самодовербата“.
Блескава на 52 години
На својот инстаграм-профил, таа сподели дел од својот настап, воодушевувајќи ја публиката со својата безвременска убавина.
На 52 години, Хајди носеше прекрасен црн фустан со длабоко деколте и нагласен струк, кој совршено ги истакнуваше нејзините облини. Овој стајлинг дополнително ги потенцираше нејзините долги и затегнати нозе, додавајќи уште повеќе гламур.
Поврзани објави
Најмногу внимание привлече нејзиното движење на пистата – со сигурен и разигран чекор, таа ја канализираше својата внатрешна енергија.
Во видеоснимката, Хајди го направи својот заштитен знак – срце со рацете – додека испраќаше бакнежи кон публиката.
Во разговор за Glamur Германија, Хајди истакна дека прошетката за Викторија Сикрет била најважниот момент во нејзината кариера, како и насловната страница на „Sports Illustrated“ во 1998 година.
Кога почнав, имаше само 15 модели. Ако бевте нови, сите ве забележуваа“ – се присети на својот прв настап како Ангел.
Текст: Убавина и здравје
Фото: Инстаграм
