Познатата инфлуенсерка Самер Витон е уапсена под сомнение дека извршила убиство од небрежност додека била во алкохолизирана состојба. Тоа не е единственото обвинение против неа, а апсењето се случи вчера во Малибу.
Инфлуенсерката Самер Витон, која има 101.000 следбеници на Инстаграм, во јули минатата година со својот автомобил удрила во автомобил управуван од Мартин Окики (44). Мажот починал на местото на несреќата.
Како што објавија Лос Анџелес Тајмс и Малибу Тајмс, Витон пред несреќата била во ресторанот Нобу, а трагичниот настан се случил околу 22:30 часот. Автомобилот преминал на другата страна на улицата и удрил во автомобил кој се движел во спротивна насока.
По сообраќајната несреќа, таа и Окики биле пренесени во медицинскиот центар Роналд Реган во UCLA.
ABC 7 објави дека семејството на жртвата ја тужела Витон, тврдејќи дека инфлуенсерката била „тешко алкохолизирана“ кога се случила фаталната несреќа.
Апсењето, објавено од ABC 7 News и CBS News, следуваше по долга истрага. Ресторанот Нобу немал дозвола за настанот на кој кобната ноќ присуствала Самер, пренесува People.
Фото: Инстаграм
