Пејачот е меѓу обвинетите во големата афера со лажни ковид-потврди, а обвинението наскоро ќе се најде пред суд.
Во Хрватска избувна скандал со лажни ковид-потврди во кој е вмешан и пејачот Тони Цетински. Според сведочењето на медицинската сестра Петра Румиха, тој наводно ѝ дал 100 евра мито преку посредник, за да добие потврда иако не бил вакциниран. На сослушувањето во УСКОК, Цетински одлучил да молчи.
Обвинението опфаќа вкупно 18 лица, а според Јутарњи лист, во целата афера се инволвирани дури 243 лица, меѓу кои и повеќе јавни личности. Дел од обвинетите се нагодиле и добиле условни казни, додека самата Румиха заврши зад решетки на една година. Меѓу оние што ја признале вината се и оперската дива Лана Кос и водителката Вјекослава Бач.
Поврзани објави
Иако јавно изјавуваше дека никогаш не купил ковид-потврда и дека системот вршел притисок врз граѓаните, документи откриваат дека Цетински ја користел трипати при патувања во 2021 година. Ова отвора уште повеќе прашања околу неговата улога и можното влијание на аферата врз неговата кариера.
printskrin Youtube – toni cetinski – HRT
