Руска актерка убиена во украински напад додека настапувала пред војниците / Фото Колаж на Слободен Печат / ЕПА / Инстаграм
Руска актерка е убиена во украински напад за време на претстава пред војниците, објави театарот каде таа глумела. Танцувачка сала во окупирана Украина каде што настапувала Полина Менших беше погодена од гранатирање на 19 ноември.
Актерката наводно приредувала шоу за да го прослави празникот на руските воени сили. Украина соопшти дека околу 20 руски војници биле убиени во нападот, но руските власти не го коментирале ова. Според локалното известување, Менших имала настап во салата за танцувања, каде можело да собере околу 150 луѓе.На социјалните мрежи беше објавено видео кое наводно го прикажува моментот на нападот. Една жена, очигледно Менших, е видена на сцената како пее и свири на гитара, пред да се чуе експлозија и да се изгаснат светлата во салата. Менших починала во болница од повредите.
Во изјава за украинската служба за Би-Би-Си, портпаролот на украинската армија ја потврди медиумската информација за нападот.
Портал, театарско студио со седиште во Санкт Петербург, поврзано со Менших, објави дека претстојната изведба на претставата што таа претходно ја режирала ќе биде играна во нејзиното сеќавање. Нападот се случил на околу 60 километри од линијата на фронтот, во селото Кумачове.
Кумачове се наоѓа во регионот Доњецк, во областа на источна Украина окупирана од Русија од 2014 година. Другите области во регионот Доњецк беа жаришта на жестоки борби во последните месеци. Руските провоени блогери ја критикуваа организацијата на шоуто. Настапот што концентрира десетици војници на едно место го направи очигледна цел за украински удар, напишаа тие.
