Меланија Трамп воодушевила со изборот на високи црни чизми кои ги издолжуваат нозете и му даваат доза на елеганција на секој стајлинг
Меланија Трамп уште еднаш покажала зошто важи за една од најдобро облечените жени на светската политичка сцена. Првата дама на Америка е позната по софистицираните модни комбинации кои ја спојуваат класиката со актуелните трендови, а овој пат посебно внимание привлекол нејзиниот избор на обувки. Таа одбрала високи кафени чизми со потпетица, модел кој оваа есен важи за едно од најпосакуваните модни парчиња.
За посетата на воен објект Меланија одбрала стајлинг во земјени тонови. Темнокафените панталони со тесен крој ги вовлекла во високи кафени чизми кои достигнуваат речиси до колената, додека комбинацијата ја надополнила со маслинестозелена јакна инспирирана од војничкиот стил. Јакната со големи џебови, копчиња и врзување во струкот, му дала на целосното издание лежерна, но многу елегантна нота.
Чизми што визуелно ги издолжуваат нозете
Посебно внимание привлекле чизмите со благо шпицест преден дел и висока, стабилна блок-потпетица. Ваквиот модел визуелно ги издолжува нозете, додека едноставниот дизајн без впечатливи детали остава луксузен и префинет печат. За разлика од тенките потпетици, блок-потпетиците даваат постабилна потпора, поради што се одличен избор за жените кои сакаат да ги спојат елеганцијата и практичноста.
Поврзани објави
Високите кафени чизми оваа есен се особено популарни, бидејќи лесно се вклопуваат во различни модни комбинации. Може да се носат со тесни панталони, плетени фустани, миди-здолништа и долги капути, а особено ефектно изгледаат со гардероба во кафени, беж и маслинестозелени нијанси.
Благодарение на класичниот крој, претставуваат одличен избор за жени од сите генерации, особено за оние кои претпочитаат модерен изглед без претерување.
Меланија овој стајлинг го заокружила со долга коса обликувана во благи бранови и дискретна шминка. Уште еднаш покажала дека за впечатлив изглед не се неопходни раскошни детали, туку внимателно одбрани парчиња кои совршено се дополнуваат меѓусебно. А токму високите кафени чизми со блок-потпетица се еден од тие безвременски модели кои и на наједноставната комбинација ѝ даваат посебна доза на елеганција.
ФОТО: ИНСТАГРАМ
