Идеално оди со помфрит, скара, сендвичи или како додаток на омилените јадења
Состојки:
- 950 г излупени домати (или пасирани домати)
- 50 г доматно пире
- 1 средна главица кромид
- 1 и пол чешне лук
- 80 г јаболков оцет
- 60 г бел или кафен шеќер
- 1 лажиче сол
- по 1 поголем прстофат: мелен црн бибер, мелен цимет, мелено каранфилче, мелено мускатно оревче
- малку маслиново масло
- по потреба: густин разреден во вода за згуснување
Поврзани објави
Приготвување:
Ситно исечкајте го кромидот. Во помало тенџере загрејте малку маслиново масло на средна температура. Додајте го кромидот и 1 сечкано чешне лук, па пржете ги додека омекнат. Додајте излупени (или пасирани) домати. Додајте доматно пире, шеќер, оцет, сол, бибер, каранфилче, мускатно оревче и прстофат цимет. Добро промешајте и оставете да зоврие.
Намалете ја температурата на минимум и гответе 40-50 минути, со повремено мешање. По потреба, згуснете го кечапот со малку густин разреден во вода. Изблендирајте ја смесата со блендер или миксер, а потоа, по желба, исцедете ја со цедалка за помазна текстура. Оставете да се олади, па префрлете го во стерилизирани тегли.
