Table of Contents
Бруклин Бекам не престанува да објавува слатки изјави на љубов за својата сопруга Никола, додека таа на сите им изгледа ладно и егоцентрично
Ноќта на вештерките е идеална можност познатите парови да ја покажат својата креативност и да блеснат во костими што совршено се надополнуваат. Сепак, Бруклин Бекам и неговата сопруга Никола Пелц годинава не ги исполнија очекувањата за складен пар, а нивните фотографии предизвикаа бројни реакции на социјалните мрежи.
Додека Бруклин избрал костим на Супермен, со нагласени мускули и откриен стомак, Никола одлучила да не се усогласи со сопругот. Наместо тоа, се маскирала во Жена-мачка, во кожен костим со камшик, а друштво ѝ правел нејзиниот најдобар пријател Демијан Харли, синот на актерката Елизабет Харли.
Двајцата позирале во речиси идентични црни кожени комбинации, додека Бруклин стоел покрај нив, поради што многу следбеници заклучија дека изгледа како вишок во сопствениот брак.
Фотографиите што Бруклин ги објави на Инстаграм набрзо станаа предмет на потсмев, а тој подоцна ги избриша по низата остри коментари.
„Изгледа како воопшто да не припаѓа таму“, „Кутриот, делува како вишок“ и „Навистина има енергија на некој што е вишок“ – ова се само дел од коментарите што се нижеа под објавите.
Експертка за говор на телото ги анализирала нивните пози
Фотографиите ги коментирала и експертката за говор на телото Џуди Џејмс, која смета дека на нив се забележува значителна разлика во начинот на кој сопружниците ја покажуваат својата блискост.
Според неа, Бруклин зазема пози на човек кој е целосно маѓепсан од сопругата, додека Никола е повеќе насочена кон камерата и впечатокот што го остава.
Џејмс забележала и дека Бруклин, слично како што некогаш позирала неговата мајка Викторија покрај Дејвид Бекам, често зазема пози во кои изгледа вљубено и посветено на партнерката.
„Бруклин како да ги усвоил позите на својата мајка, која некогаш со воодушевување се потпираше на Дејвид, додека Никола најчесто позира директно кон камерата“, објаснила експертката.
Таа додала дека на некои фотографии Бруклин изгледа како да се обидува да го привлече вниманието на сопругата, додека Никола и Демијан уживаат во заедничкото позирање.
Особено ги издвоила фотографиите на кои Никола и Демијан се прегрнати околу половината, додека Бруклин стои зад нив, речиси надвор од кадарот.
„Кога некој се фотографира со друга личност, а партнерот останува настрана, може да изгледа како да е исклучен од сцената. Никола и Демијан можеле дискретно да се оддалечат од Бруклин ако сакале да го истакнат својот заеднички костим“, оценила Џејмс.
Бруклин е вљубен, а Никола фокусирана на камерата?
Експертката ги анализирала и нивните заеднички пози, посочувајќи дека Бруклин често покажува физичка блискост, додека Никола делува помалку ангажирано.
Поврзани објави
На една од фотографиите, додека Никола позира со подигната нога, Бруклин ја придржува и гледа во неа, додека таа со едната рака позира кон камерата.
Џејмс смета дека ваквите фотографии можат да остават впечаток на нерамнотежа во начинот на кој парот ги изразува емоциите.
Сепак, станува збор за нејзино толкување на фотографиите, а не за доказ дека во нивниот брак постои проблем.
Пријателство што трае уште од детството
Бруклин и Демијан се познаваат уште од детството, а и двајцата имаат ист кум – музичката легенда Елтон Џон.
Бруклин, Никола и Демијан неодамна заедно присуствувале на прославата на 64-тиот роденден на Дејвид Ферниш, сопругот на Елтон Џон, во Венеција.
Никола и Бруклин минатата недела одбележаа и седум години врска со емотивни објави на социјалните мрежи.
Бруклин ѝ посвети фотографија на сопругата и порака во која истакна колку многу му значи.
„Моја прекрасна Никола, ти си целиот мој свет, мојата најдобра пријателка и најважната личност во мојот живот. Среќен сум што можам да те сакам и да го поминам животот покрај тебе. Те сакам повеќе отколку што може да се опише со зборови“, напиша тој.
Но, откако дел од следбениците коментираа дека неговите јавни изјави на љубов делуваат претерано, Бруклин објави уште една фотографија од сопругата, придружена со пораката:
„Да, опседнат сум со мојата сопруга. Слободно коментирајте, воопшто не ми е гајле. Таа е совршена.“
Никола му возврати со објава во која напиша дека Бруклин е нејзината љубов, најдобар пријател и сè на светот, додавајќи дека не може да поверува оти поминале седум години откако се заедно.
Парот се запознал на фестивалот Коачела во 2017 година, а повторно се зближил на забава за Ноќта на вештерките што Леонардо Дикаприо ја организирал во Лос Анџелес во 2019 година.
Се венчаа во април 2022 година, а во август 2025 година повторно ги обновија брачните завети.
И додека сопружниците продолжуваат јавно да си разменуваат нежни пораки, фотографиите од годинешната Ноќ на вештерките отворија нова тема за дискусија меѓу следбениците: дали Бруклин навистина останал во втор план или станува збор само за несмасно избрани пози и пријателска забава?
Дали Никола успеала да го оддалечи од семејството и да му го претвори животот во пекол за само неколку години брак?
ФОТО: ИНСТАГРАМ
