Table of Contents
„Најубавата насмевка е здрава насмевка“ – токму оваа едноставна, но суштинска мисла е во основата на професионалната филозофија на Спец. д-р Александра Богоевска, специјалист по пародонтологија и естетски стоматолог.
Кога зборуваме за убава насмевка, најчесто мислиме на бели и правилно поставени заби. Но вистинската естетика не започнува од она што се гледа во огледалото. Таа започнува многу подлабоко – од здравјето на непцата, коската и ткивата што ги поддржуваат забите.
Токму затоа пародонтологијата има особено значење во пристапот на д-р Александра Богоевска.
Природниот заб секогаш вреди да се сочува
Крвавење на непцата, нивно повлекување, губење на коска, разлабавени заби или напредната пародонтална болест се знаци кои не треба да се игнорираат.
Кога постои проблем, мојата прва цел не е екстракција, туку да проценам дали природниот заб може да се сочува“, вели д-р Богоевска.
Современата пародонтологија денес овозможува различни терапевтски пристапи, зависно од состојбата и потребите на пациентот. Тие може да вклучуваат нехируршки третман и контрола на воспалението, но и хируршки и регенеративни процедури. Во одредени случаи, ваквите пристапи овозможуваат зачувување и обновување на изгубените ткива, како и продолжување на животниот век на природните заби.
И токму тука се гледа разликата меѓу едноставното „поправање“ на насмевката и долгорочниот стоматолошки пристап.
Естетиката доаѓа откако здравјето е поставено на вистинските темели
За д-р Богоевска, естетската стоматологија не е создавање унифицирана, „совршена“ насмевка, туку внимателно обликување на резултат што изгледа природно и е во хармонија со целото лице. Целта е насмевката да биде функционална, природна и усогласена со индивидуалноста, возраста и карактеристиките на пациентот.
Затоа здравјето не се третира како одделна тема од естетиката. Напротив – тоа е нејзината основа.
Кога технологијата работи во служба на прецизноста
Поврзани објави
Во стоматолошката ординација „Д-р Александра Асенова“ посебно внимание се посветува на спојувањето на стручноста, современата технологија, прецизноста и човечкиот пристап. Посветениот тим континуирано го надградува своето знаење и ги следи современите достигнувања во стоматологијата, додека дигиталната технологија овозможува прецизна дијагностика, внимателно планирање и индивидуално прилагоден третман.
Бидејќи современата стоматологија не подразбира само примена на нови технологии, туку и знаење кога, како и зошто тие треба да се применат.
Здравјето е темелот. Технологијата е алатката.
Филозофијата на д-р Александра Богоевска е едноставна, но многу значајна: здравјето е темелот, технологијата е алатката, а стручноста и посветеноста го создаваат резултатот. Затоа нејзината цел не е само пациентот да добие убава насмевка, туку насмевка која е здрава, функционална, природна и долготрајна.
А токму таквата насмевка е онаа што не само што изгледа убаво, туку и вистински му припаѓа на човекот што ја носи.
Контакт:
078 836 235
Ул. 1613 бр. 2 локал 5, Ново Лисиче, Скопје
Instagram: @pzudraleksandra_asenova
Текст и фото: ПР
