Македонската пејачка првпат подетално раскажа низ каков страв поминала со семејството и како започнала борбата за да му помогнат на малиот Кристијан.
Андријана Јаневска отворено проговори за еден од најтешките моменти што ги доживеала како мајка. По раѓањето на нејзиниот помлад син Кристијан, лекарите ѝ соопштиле дека има деформитет на стапалата, вест што природно предизвикала страв и неизвесност кај целото семејство.
Наместо да се препушти на паника, првото нешто што го прашала било дали постои решение.
Кога ми кажаа лекарите дека Кристијан има деформитет на стапалата, јас само прашав: ‘Дали постои решение?’“, раскажа пејачката во емисија.
Поврзани објави
Лекарите им препорачале третманот да започне веднаш, па заедно со сопругот Драган Гиновски – Гино започнале редовно да го носат бебето на третмани во Охрид. На секои пет дена се спроведувала процедура за корекција на стапалата со специјални чизми. Денес, според нејзиното сведоштво, Кристијан е во одлична форма.
Приказната Јаневска ја сподели и како поддршка за родителите кои можеби се соочуваат со сличен предизвик. Покрај ова искуство, таа зборуваше и за двете бремености, породувањата и мајчинството, откривајќи колку различни можат да бидат најважните моменти во животот – од голема среќа до страв кој за среќа има свој добар крај.
Screenshot youtube
