Германија се подготвува за голема експанзија на дигиталната инфраструктура, со план за изградба на 99 нови дата-центри во наредните години.
Новите објекти треба да го зголемат капацитетот за складирање и обработка на податоци, но и да одговорат на сè поголемата побарувачка поврзана со вештачката интелигенција, облачните услуги и дигитализацијата на економијата.
Германските власти во март ја претставија и Националната стратегија за центри за податоци, со амбиција до 2030 година значително да ги зголемат постојните капацитети.
Дата-центрите денес се сметаат за една од клучните инфраструктури на современата економија. Во нив се чуваат огромни количини податоци, функционираат облачните платформи, се обучуваат системи со вештачка интелигенција, а преку нив се одвиваат и секојдневните дигитални услуги.
