Table of Contents
Хурем тортата е идеален избор ако сакате десерти со богат вкус и кремаста текстура, па оваа торта сигурно ќе ве освои. Комбинацијата од чоколадо, ореви, ф’стаци и урми ѝ дава посебен, егзотичен вкус што потсетува на раскошните ориентални слатки.
Инспирацијата ја носи од светот на султанките и дворските гозби, па не е ни чудо што и по изглед и по вкус изгледа исклучително луксузно.
Состојки
За кората:
🔷 5 јајца
🔷 5 лажици шеќер
🔷 5 лажици брашно
🔷 2 лажици какао
🔷 1 кесичка прашок за печиво
🔷 5 лажици масло
🔷 5 лажици млеко
🔷 100–150 г ситно сечкани урми
За филот:
🔷 1 литар млеко
🔷 3 пудинзи со вкус на ванила
🔷 6 лажици шеќер
🔷 100 г бело чоколадо
🔷 100 г путер или маргарин
🔷 100 г мелени ореви
🔷 100 г мелени ф’стаци
🔷 150–200 г ситно сечкани урми
За глазурата:
🔷 100 г чоколадо за готвење
🔷 5 лажици млеко
🔷 1 лажица масло
Приготвување
Поврзани објави
На кората
Јајцата и шеќерот матете ги додека смесата стане светла и воздушеста. Додајте млеко и масло, а потоа вмешајте брашно, какао и прашок за печиво.
На крај, додајте ги сечканите урми и нежно промешајте. Смесата истурете ја во подмачкан плех и печете околу 20 минути на 180°C.
Совет: За помека и посочна кора, по печењето можете лесно да ја прелиете со млеко или чоколадно млеко.
На филот
Пудингот и шеќерот сварете ги во млеко додека добиете густ крем. Додека е уште топол, додајте бело чоколадо и мешајте додека целосно се растопи.
Кога филот ќе се излади, изматете го со путер или маргарин, па додајте ореви, ф’стаци и ситно сечкани урми.
Завршен дел
Изладената кора премачкајте ја со приготвениот фил. За глазурата, растопете чоколадо со млеко и масло и рамномерно прелијте ја тортата. Оставете ја добро да се излади пред послужување.
Фото: Freepik
