Table of Contents
#LifeSignature — твојата ДНК не ја одредува твојата судбина, но ти дава знаење што ти помага да тренираш паметно.
Во светот на фитнесот и спортската подготовка, „универзалните“ програми сè повеќе стануваат минато. Секој човек е биолошки уникатен — и тоа не е само метафора, туку факт што произлегува од нашата ДНК. Научните истражувања веќе покажуваат дека генетските варијации влијаат на тоа како телото реагира на различни видови тренинг — од кардио до тренинг на снага и издржливост.
Генетиката и тренингот: што открива науката
Истражувањата во спортската генетика укажуваат дека одредени генски варијанти можат да ги предвидат разликите во адаптацијата на телото на вежбањето — од начинот на кој телото ја користи енергијата до тоа колку брзо се гради мускулна маса или се подобрува кардиоваскуларната способност.
Примерите на генски маркери што научниците ги истражуваат вклучуваат:
· ACTN3 — поврзан со мускулните влакна за брзи („спринт“) и бавни („издржливост“) движења, што може да укаже дали повеќе ни одговара тренинг на снага или тренинг за изджливост.
· ACE — ген чие дејство може да влијае на кардиоваскуларниот одговор на тренингот – тоа е начинот на кој срцето, крвните садови и циркулацијата реагираат на физички напор, на пример:
· колку брзо се зголемува срцевиот ритам при вежбање,
· колку ефикасно срцето пумпа крв,
· како се менува крвниот притисок,
· колку брзо закрепнуваме по тренингот.
Иако науката сè уште е во развој и не постои еден ген што „одлучува“ за сè, комбинација од многу генски варијации (познати како полигенски профили) може да даде корисни показателки за тоа како твојот организам најдобро реагира на одредени тренинзи.
Зошто е важно ова за твојот тренинг
Статистички, индивидуалните генетски разлики објаснуваат значителен дел од варијациите во тренинг-резултатите меѓу луѓето. На пример, при тренинг на снагата, генетските фактори можат да објаснат голем дел од разликата во резултатите меѓу различни лица — дури до околу 70 % во некои студии.
Тоа значи дека ако го разбереш својот генетски профил, можеш:
Поврзани објави
· да изградиш тренинг што најдобро одговара на твоите природни способности;
· да го оптимизираш времето на закрепнување;
· да ја намалиш опасноста од повреди;
· и да постигнеш поефикасни резултати со помал напор.
Но што не прави генетиката
Важно е да се нагласи: твоите гени не се твоја судбина — тие се само еден од многуте фактори што влијаат на физичкиот одговор. Начинот на исхрана, квалитетот на сонот, техниката на вежбање, и мотивацијата се еднакво важни за успехот. Генетските информации не треба да бидат изговор зашто „не ми оди“, туку алатка за повеќе свесен избор.
Заклучок
Разбирањето на нашата генетска предиспозиција не значи дека тренингот ќе го претвори во магија — но може да ни даде конкретен научен увид за тоа како нашето тело најдобро функционира. Со тоа, нашиот тренинг може да стане поефективен, поперсонализиран и поприспособлив на нас како личност.
#LifeSignature — твојата ДНК не ја одредува твојата судбина, но ти дава знаење што ти помага да тренираш паметно.
Текст и фото: ПР
