Table of Contents
Јавноста и понатаму е вознемирена по силната детонација што се слушна вчера околу 05:00 часот наутро во близина на куќата на познатиот пејач Здравко Чолиќ, во белградската населба Дедиње.
Во моментот на експлозијата, во домот се наоѓале неговата сопруга Александра и нивната помлада ќерка Лара, кои спиеле и биле разбудени од силниот звук. Иако првично се појавија информации дека и самиот пејач бил присутен во куќата, Чолиќ подоцна се огласи и соопшти дека во тој период се наоѓал во Загреб.
Приватно обезбедување пред домот
Со цел да ги заштити својата фамилија и имотот, пејачот ангажирал приватно обезбедување. Утринава, новинарските екипи пред куќата затекнале припадници на обезбедувачката служба, кои не дозволуваат пристап до вилата и дворот во кој била фрлена експлозивната направа.
Во соседството владее мирна и тивка атмосфера. Не биле забележани минувачи ниту соседи кои би давале изјави, ниту пак се забележуваше поголемо присуство на граѓани во околината.
Снимки од надзорните камери
Надзорните камери на вилата снимиле две маскирани лица кои вчера, точно околу 05:00 часот, приоѓаат до оградата и фрлаат рачна бомба кон објектот.
Според неофицијални информации, напаѓачите ја активирале експлозивната направа и ја фрлиле кон влезниот дел од куќата. Детонацијата се случила на терасата, непосредно до влезната врата. Токму снимките од видеонадзорот се клучен дел од истрагата што ја води Вишото јавно обвинителство, бидејќи на нив се гледа движењето на осомничените пред и по експлозијата.
Нема повредени, причинета е значителна материјална штета
Поврзани објави
За среќа, во инцидентот нема повредени лица, но материјалната штета е значителна. Гелерите предизвикале оштетувања во радиус од неколку метри. Уништена е фасадата околу влезот, оштетени се прозорците, а настрадала и масивната влезна капија.
Дополнително, оштетена е и гаражата на соседниот објект, како и прозорците на другите делови од куќата. Помали оштетувања се забележани и на соседна куќа, каде што попукале стаклата на прозорците.
Фотографиите можете да ги погледнете ТУКА.
Интензивна потрага по сторителите
Припадниците на криминалистичката полиција и јавниот обвинител продолжуваат со интензивна истрага за идентификација на лицата забележани на снимките. Се анализираат снимки од камерите во пошироката околина, како и други траги, со цел да се утврди дали напаѓачите имале соучесници кои ги чекале во возило.
Огласување на Чолиќ
Здравко Чолиќ во изјавата за медиумите истакна дека во моментот се наоѓа во Загреб, каде што работи на новите музички проекти, и дека е благодарен што членовите на неговото семејство се неповредени.
Тој нагласи дека разбира зошто постои интерес во јавноста, но апелираше информациите да се пренесуваат одговорно и врз основа на проверени факти, додека трае официјалната истрага.
Се утврдува мотивот
Надлежните институции работат на утврдување дали Чолиќ бил директна цел на нападот и што би можел да биде мотивот. Како една од можните верзии се разгледува и можноста напаѓачите да ја згрешиле куќата. Со пејачот ќе биде извршен разговор по неговото враќање од странство.
Извор: Србија данас
