7
Европската агенција за безбедност на воздухопловството (ЕАСА) им сугерира на авиопревозниците да се воздржат од летање низ иранскиот воздушен простор. Причината за оваа препорака е „актуелната состојба и можноста за воени дејства од страна на САД“ на Блискиот Исток.
Според соопштението од ЕАСА, постоењето и евентуалната употреба на разновидно оружје и системи за противвоздушна одбрана, заедно со непредвидливи одговори, претставуваат значителен ризик за цивилната авијација.
Агенцијата ги повикува авиокомпаниите да покажат зголемено внимание и да ги активираат своите протоколи за вонредни ситуации.
