Актерката Тина Малоу, позната по улогите во сериите Shameless („Бесрамници“) и Brookside („Бруксajд“), искрено проговори за трагичната загуба на својот сопруг Пол Чејс, кој во март 2024 година изврши самоубиство.
Тина (62) вели дека неизмерно ѝ недостига Пол и дека постојано мисли на денот кога повторно ќе биде со него.
Пол, поранешен воен ветеран, имал само 41 година кога починал, борејќи се со посттрауматско стресно нарушување по службата во Ирак и Авганистан.
„Носам со себе сè што ми остави“
Ги чувам неговите последни пораки секогаш со себе. Во една од нив напиша дека ќе најде начин да ме контактира од другата страна – и тој тоа го направи,“ открива Тина.
„Уживам во самата помисла на смртта и знам дека звучи лудо, но тоа е затоа што тогаш повторно ќе го видам. Да не беше Флејм, нашата ќерка, веројатно немаше да бидам овде.“
Тина и Пол ја имаат 11-годишната ќерка Флејм, која е нејзината најголема сила и причина да продолжи понатаму.
Морам да бидам силна – да ја сакам, заштитувам и да ѝ овозможам да ги оствари сите свои соништа. Но, да, јас навистина уживам во мислата на своето заминување, како и да го наречете тоа – смрт или нешто друго. Уживам во таа помисла.“
„Никогаш повеќе нема да сакам“
Актерката откри дека не планира повеќе да влезе во љубовна или интимна врска.
Никогаш повеќе нема да излегувам или да имам однос со друг маж. Во животот имав доволно страст што ќе ми трае засекогаш… Најдоброто и речиси совршено искуство го доживеав со мојот Пол,“ вели таа.
Поврзани објави
Во мај минатата година, Тина јавно ја сподели и последната порака што ја добила од сопругот, со што првпат јавно потврди дека тој си го одзел животот.
Првпат го изговорив тоа и го потврдив. Пол изврши самоубиство. Верувам во транспарентност,“ рече тогаш.
„Никогаш нема да го преболам. Ми недостига бескрајно и го сакам повеќе од кој било друг. Сигурна сум само во едно – тој сега е на подобро место.“
За трагичниот крај на Пол, Тина дознала од полицијата која ја посетила во нејзиниот дом. Неговите пораки биле испратени доцна во ноќта, околу четири часот наутро, но поради стариот телефон не стигнале веднаш до неа.
„Живеам само за повторната средба“
Тина заклучува:
Едвај чекам да дојде денот кога повторно ќе бидам со него. Само за тоа живеам.“
Фото: Инстаграм
