Англиската пејачка Дијана Викерс зборувала за еден необичен момент од домот на Леонардо Ди Каприо
Англиската кантавторка Дијана Викерс се нашла во бизарна ситуација кога отишла на забава во домот актерот Леонардо Ди Каприо. Пејачката раскажала за необичната средба со Лео, додека ги советувала слушателите за големата разлика во годините во врските, во својот нов подкаст Just Between Us, што го води заедно со колумнистката Елис Гидингс.
Дијана го опишала актерот како класичен пример за холивудски маж со толку слава и моќ што едноставно не сака да порасне.
„Еднаш го запознав Лео. Тој веројатно воопшто не се сеќава на тоа. Еден негов пријател ме покани кај него дома. Мислев дека тоа ќе биде забава, а завршив седејќи со него и гледајќи телевизија. Тоа беше навистина, навистина бизарно искуство“, рекла таа.
Поврзани објави
Кантавторката се посомневала дека таа била само една од многуте млади жени што пријателите на Лео ги носеле во неговата куќа.
„Мислам дека тој има цел систем. Лео, очигледно, е на чело на тоа, а околу себе собира згодни момци кои се желни за забава. Тие згодни момци потоа наоѓаат атрактивни жени за него – тоа е многу сомнително. Често се случуваат такви работи во Холивуд. Тие мажи имаат толкава слава и моќ што не сакаат да пораснат. Само сакаат да бидат постојано опкружени со убави, млади жени. Не го категоризирам Лео тука, мислам дека тоа е типично за Холивуд. Всушност, тоа е многу чудно“, раскажала таа.
Дијана ја раскажала својата приказна за Ди Каприо додека ја советувала слушателката Хана за предизвиците во врските со многу постари мажи. Пејачката открила дека и самата била романтично поврзана со многу постари, но и со многу помлади мажи.
Признала дека ѝ било потешко со помлади, бидејќи нивната незрела енергија ја отежнувала комуникацијата.
„Сè повеќе жени денес излегуваат со помлади мажи. Еден од последните момци со кои бев, беше пет години помлад од мене и го почувствував тоа. Затоа не успеавме. Кога си повозрасна, сакаш да се трудиш, сакаш да истуркате сè до крај. Не се задржуваш толку на ситници. Ова момче постојано зрачеше со незрела енергија, постојано се фокусираше на ситници. Мислам дека и јас се однесував незрело, затоа што тој беше незрел. Затоа се чувствува помалку поврзано со мојата зрела, женствена енергија. Како да се вратив наназад. Сепак, беше многу забавно“, признала Дијана.
ФОТО: Инстаграм
