Омилениот утрински пијалок на Аманда Сејфрид го зафати TikTok. Сокот од целер е полн со електролити, витамини, го регулира варењето и може да биде исклучително вкусен.
Целерот е похранлив од кељот, а исто така е еден од ретките зеленчуци кои се поздрави во форма на сок отколку цели. Инфлуенсерите и познатите личности, од Гвинет Палтроу до Џенифер Анистон и Миранда Кер, користат сок од целер за да ја намалат надуеноста, да се борат против воспалението и да го промовираат здравјето на кожата. Неговата најнова обожавателка? Аманда Сејфрид.
Дали сокот од целер навистина го заслужува сето ова внимание?! Дали неколку стебленца целер навистина би можеле да бидат чудотворниот еликсир што го прават познатите, и дали навистина делува најдобро кога се зема наутро? Еве што рекоа експертите.
Што е сок од целер?
Сокот од целер е течност која се добива со стискање сурови стебленца целер. На тој начин се отстрануваат влакната од целерот, што овозможува полесна апсорпција на хранливите материи. Иако целерот на прв поглед не изгледа како хранливо чудо, тој содржи мноштво микронутриенти: витамин К (важен за згрутчување на крвта и здравјето на коските), витамин Ц (за имунитет, синтеза на колаген и антиоксидантна заштита) и калиум (го регулира балансот на течности, функцијата на нервите и мускулите).
Поврзани објави
Здравствени придобивки од сокот од целер
Иако влакната се отстрануваат со цедење, сокот од целер сепак ја подобрува хидратацијата и движењето на дебелото црево. Содржи и натриум, кој го стимулира производството на стомачна киселина, а со тоа го подобрува варењето. Целерот содржи флавоноиди лутеолин и апигенин, кои имаат антиинфламаторно дејство. Тие го намалуваат оксидативниот стрес и можат да го ублажат воспалението на цревата, што е корисно за синдромот на нервозно дебело црево. Целерот се состои од 95% вода, а неговиот сок може брзо да го рехидрира телото. Покрај тоа, содржи природни електролити , калиум и натриум , што го прави природна, поздрава верзија на спортски пијалоци. Благодарение на високата содржина на вода и витамин Ц, цедениот целер поддржува хидратација и синтеза на колаген. Антиоксидансите ги намалуваат знаците на стареење, а природните диуретични својства помагаат да се елиминира надуеноста.
Дали сокот од целер може да предизвика несакани ефекти?
Генерално е безбеден, но прекумерното консумирање може да го зголеми внесот на натриум, што не е добро за луѓето со висок крвен притисок. Луѓето со бубрежна болест или кои користат диуретици треба да бидат претпазливи поради потенцијалниот електролитен дисбаланс. Бремените жени и лицата со низок крвен притисок исто така треба да се консултираат со лекар. Можни се привремени дигестивни нарушувања како гасови и надуеност додека телото не се навикне на тоа.
Кога е најдобро време да се пие сок од целер?
Многу луѓе препорачуваат да се пие наутро на празен стомак, за подобра хидратација и поефикасна апсорпција на хранливите материи. Сепак, научно гледано, важнa е постојаноста, а не времето од денот.Ако не можете сами да го направите дома, тогаш купете ладен или свежо цеден, непастеризиран, без додаден шеќер или конзерванси и содржи 100 отсто целер. Ако правите дома: користете полесни, подебели стебла бидејќи имаат поблаг вкус. За попријатен вкус можете да додадете лимон или јаболко. Немате соковник? Изблендирајте со малку вода и процедете го преку крпа или ситно сито. Можете да го додадете и во смути.
Фото: Инстаграм @mingey
