Камерон Дијаз денес живее мирен и исполнет живот, далеку од холивудскиот хаос, си ги одбира сопствените приоритети и ужива во едноставни нешта
Камерон Дијаз денес има 49 години и одлучила да се повлече од светот на шоубизнисот и да се пензионира, што резултира со нејзини ретки појавувања во јавноста. Секоја нејзина појава или интервју привлекува огромно внимание кај јавноста, бидејќи сите се интересираат како изгледа нејзиниот живот сега.
Ѕвездата од филмот The Holiday неодамна гостувала во популарниот подкаст на Би-Би-Си Rule Breakers, што го води Мишел Визаж. Во нивниот искрен разговор, Камерон открила колку ѝ се променил животот откако во 2014 година одлучила да ја напушти забавната индустрија. Актерката истакнала дека таа одлука била клучна за нејзиното лично задоволство, иако поради тоа одбила значајни понуди за филмски проекти во вредност од околу 100 милиони долари.
„Паднав во класичната холивудска замка и станав жртва на експлоатација, на која жените постојано се изложени. Верував во погрешни работи и дозволував да ме третираат како објект“, признала Камерон, додавајќи дека повлекувањето од тој свет ѝ донело внатрешен мир.
Таа отворено зборувала за притисокот што им се наметнува на жените во забавната индустрија, но и за ослободувањето што го чувствува сега.
„Многу тешко е да не се гледате себеси низ призмата на физичкиот изглед, да не се споредувате со другите и да не се осудувате себеси. Сега, изгледот е последното нешто за коешто размислувам. Живеам слободно, буквално како ѕвер. Не се бањам, имам купишта козметички препарати што само собираат прашина на полиците“, рекла таа низ насмевка.
Додала дека многу ретко користи козметика:
„Можеби двапати месечно земам некој крем, се мачкам и си мислам: ‘Па, веројатно ова е доволно? Ќе функционира ако ја употребам само еднаш?’ Едноставно, веќе не трошам енергија на изгледот и тоа ме прави посреќна.“
Поврзани објави
Камерон истакнала дека сега најважно ѝ е да ужива во животот, без да се грижи за тоа дали им е убава на другите.
Приватно, Камерон Дијаз од 2015 година е во среќен брак со музичарот Бенџи Мадена, член на бендот Good Charlotte. Тие се родители на двегодишната ќерка Радикс, која ја добиле со помош на сурогат-мајка. Веста за приновата што двојката ја објавила во јануари 2020 година многу ја изненадила јавноста, со оглед на тоа што Камерон често потенцирала дека не размислува за мајчинство.
Иако ретко се појавува во медиумите, Камерон и понатаму е присутна на социјалните мрежи. На Инстаграм го промовира виното што го произведува од органско грозје, без додаден шеќер. Исто така, му се посветила на пишувањето и објавила книга со наслов „Книга за телото: Законот на гладот, науката за силата и други начини да го засакате своето неверојатно тело“, во кое дели совети за постигнување баланс помеѓу умот и телото.
Но сега, на огромно задоволство на обожавателите, Камерон повторно се врати на големото платно, заедно со колегата Џејми Фокс, во акционата комедија Back in Action која може да се погледне на Нетфликс.
ФОТО: Инстаграм / camerondiaz
