Во текот на претходните 24 часа, на целата територија на државата, евидентирани се 33 пожари на отворен простор. Од нив, два сѐ уште се активни, два се ставени под надзор, а 29 се ликвидирани.
Активни пожари постојат во селото Никуштак, општина Липково, како и на територијата на општина Студеничани, во близина на селата Варвара и Драчевица, каде што е зафатена мешана шума и ниска вегетација.
“Како што информира Центарот за управување со кризи (ЦУК), под контрола се ставени пожарите во општина Берово – Дрџински рид, месност викана Стојковото, село Русиново (дабова и букова шума и папрат) и во општина Гази Баба – Вардариште (ѓубриште).”
Од скопскиот регион, завршени се интервенциите на пожарите во општина Ѓорче Петров – улица „Шар Планина“ (ѓубриште), општина Гази Баба – село Раштак (ниска вегетација) и Камник (ниска вегетација), општина Сопиште – село Јаболци – Говрлевска Краста (ниска вегетација) и општина Сарај – село Рашче (ниска вегетација).
Исто така, ликвидирани се и пожарите во општините Битола, Долнени, Ресен, Крушево, Струмица, Струга, Кавадарци, Чешиново-Облешево, Делчево, Кочани, Липково, Куманово, Старо Нагоричане, Тетово и Гостивар.
