Хит меѓу зимските јакни ќе биде омилениот „теди“ капут
Ако сте во потрага по зимска јакна која е удобна, топла и модерна, ви го предлагаме совршениот избор за вас.
Меѓу многуте разновидни модели, особено се издвојуваат кратките јакни од меки материјали што личат на овча волна, популарно познати како „теди“ јакни. Овие јакни се во мода секоја есен и зима, но годинава моделите во нијансата екру го заземаат централното место.
Нијансата екру, која комбинира беж, крем и суптилни тонови на сива и жолта, претставува совршен избор за ладните денови. Името потекнува од францускиот збор „ecru“, што значи боја на природен лен. Токму поради својата неутралност и топлина, оваа боја идеално се вклопува во различни стилови и пригоди.
Како да ја носите?
Поврзани објави
Оваа јакна совршено се комбинира со различни модни парчиња, па така лесно ќе ја пронајдете комбинацијата што ви одговара:
1. Лежерен изглед – Комбинирајте ја со фармерки, топли плетени џемпери и чизми до глужд.
2. Монохроматски стил – Носете ја врз комбинации во една боја за софистициран и ефектен контраст.
3. Елегантен ансамбл – Комбинирајте ја со фустани, здолништа или кожени панталони за урбан и модерен стил.
„Теди“ јакните во нијансата екру не само што се модерни туку се и исклучително практични. Без разлика дали ќе ги одберете за лежерни прошетки, за на работа или за вечерно излегување, овој модел ќе му даде топлина и префинетост на вашиот зимски стил.
ФОТО: Пинтерест
