Според некои верување, не треба да чувате хибискус дома, бидејќи, наводно, носи несреќа
Хибискусот е многу популарен како собна и градинарска украсна билка, поради едноставната нега, брзиот раст и убавите, крупни цветови кои можат да го украсат секој простор. Неговата способност обилно да цути подолг период, како и разновидноста на боите во кои може да се најде – од интензивна црвена до портокалова, од нежно розова до жолта – го направија еден од омилените избори меѓу љубителите на цвеќиња ширум светот.
Покрај естетската привлечност, хибискусот е познат и по својата отпорност и релативно мали барања за одржување, што го прави идеален и за почетници во светот на растенијата. Му треба доволна количина на светлина, умерено наводнување и повремено прихранување, а за возврат наградува со раскошно цутење кои му дава живот на секој дом или градина.
Но и покрај убавината и популарноста, оваа спектакуларна билка низ историјата стекнала и одредена доза на мистериозна, дури и по малку мрачна репутација. Нејзиното второ име, кинеска роза, звучни многу поромантично и понежно, но во народните верување често се поврзува и со називот „цвет на смртта“, кој настанал како резултат на разни суеверија и погрешни толкувања на природните појави.
Поврзани објави
Луѓето во минатото верувале дека цутењето на хибискусот во „необично“ време може да биде лош знак, па го поврзувале со несреќа, лоши вести или тага во семејството. Поради таквите верувања, многумина одбегнувале да ја чуваат оваа билка во својот дом, сметајќи дека носи негативна енергија или го нарушува мирот во домот.
Постоеле и други предрасуди, меѓу кои била и идејата дека хибискусот може да влијае врз личната среќа на жените, па дури и дека ја осудува на осаменост, ако го чува во своето опкружување. Ваквите верувања се пренесувале од генерација на генерација, иако никогаш немале никаква научна потврда.
Денес се знае дека тоа се само народни приказни без основа. Хибискусот е потполно безбедна, декоративна билка која лесно се одржува и не влијае ниту врз енергијата во домот ниту врз животните околности. Напротив, многумина го сметаат за симбол на убавината, егзотиката и топлината, кој со своите цветови создава позитивна атмосфера и чувство на природна хармонија во секој простор.
ФОТО: Mick Haupt / Unsplash
