Откако во 2018 година го заврши бракот со поп-пејачката Емина Јаховиќ, турскиот пејач Мустафа Сандал повторно ја најде љубовта — и тоа покрај значително помлада партнерка. Во 2022 година, тој стапи во брак со атрактивната русокоса Мелис Сутшуруп, која е дури две децении помлада од него.
Поврзани објави
Емина и Мустафа имаат два сина од својот брак, а иако нивниот развод често беше под лупата на медиумите, поранешната двојка успеа да продолжи понатаму. Во едно интервју за емисијата „Сцена“, Емина отворено зборуваше за причините што довеле до нивната разделба:
Никогаш не се покајав што се разведов. Мојот развод не беше поради некоја глупост, но не беше ниту поради некаква екстремна причина. Никој не изневери никого, ниту се случи нешто драматично – едноставно, сè се изгаси. Имав 35 години, и не можев да прифатам да останам во брак без страст и сила.
Не зборувам само за физичка страст – најмалку за тоа. Зборувам за тоа и двајцата да се трудат еднакво, да бидат компатибилни на секое ниво. Кај нас тоа се наруши. Всушност, сè почна да се распаѓа уште три години пред официјално да се разведеме“, искрено откри пејачката.
Мустафа, пак, со Мелис прво се венча во кругот на најблиските во турската амбасада во Рим, а неколку дена подоцна организираше гала-прослава во популарното летувалиште Мармарис. Свадбената церемонија беше интимна, но со впечатлива доза на гламур, а младенците зрачеа со среќа.
Иако меѓу нив постои значителна разлика во години, Мустафа и Мелис изгледаат хармонично и вљубено, а нивната врска е доказ дека љубовта не познава години.
Фото: Pritscreen Instagram
