Шерон Стоун своевремено отворено говорела за тешкото искуство што го доживеала за време на операцијата во 2001 година. Американската актерка тогаш, како што раскажала, била изложена на голем притисок од лекарите, нејзиниот тогашен сопруг Фил Бронштајн, но и од своето семејство.
Според нејзините зборови, за време на специјалистичкиот преглед лекарите инсистирале таа да се подложи на отстранување на двете дојки. Стоун навела дека во еден момент се нашла пред одлука што воопшто не ѝ била лесна.
Како што раскажала, Бронштајн претходно потпишал согласност за зафатот, иако таа самата не дала согласност за таква процедура.
Прво се породив, а потоа ми кажаа дека за време на операцијата би можеле да отстранат ткиво од дојката. Но јас инсистирав да не се отстранува ништо освен она што навистина е неопходно.
Актерката објаснила дека лекарот продолжил да ја убедува дека операцијата е неопходна, иако јасно му ставила до знаење дека не сака таков зафат и дека не ја гледа неговата оправданост.
Според нејзините зборови, лекарот ѝ ветил дека ќе биде отстрането само она што навистина е неопходно. Меѓутоа, Стоун подоцна дознала дека за време на операцијата било отстрането значително повеќе ткиво отколку што очекувала. Особено тешко ѝ паднало сознанието дека ѝ биле отстранети двете дојки. Кога сфатила што се случило, останала затечена и длабоко вознемирена.
Поврзани објави
Операцијата ја доживеала како трауматично искуство, меѓу другото и поради тоа што по неа ја изгубила можноста да дои.
„БЕСНЕЕВ КОГА МИ ГИ ОТСТРАНИЈА ДОЈКИТЕ“
Стоун и по разводот од Бронштајн продолжила да говори за искуството што оставило длабока трага врз нејзиниот живот.
Иако продолжила да работи и да го живее својот живот, актерката не криела колку тешко ѝ паднала целата ситуација. За своите здравствени проблеми и различните операции говорела и во други прилики. Во разговор за списанието „AARP“ во 2012 година, таа се осврнала и на сериозните здравствени проблеми што ги имала по мозочниот удар.
Нејзиното искуство со операцијата на дојките останало едно од најтрауматичните поглавја од нејзиниот живот, за кое Шерон Стоун со години отворено зборува.
Фото: Instagram
