Петар Грашо и Хана Хуљиќ уживаат во хармоничен брак.
Врската помеѓу Петар Грашo и Хана Хуљиќ беше изненадување за сите, бидејќи ја познава речиси од нејзиното раѓање. Но Грашо и Хана докажаа дека љубовта не познава граници, ниту разлика во години, а својата врска ја крунисаа со брак во кој се роди ќерката Алба, а на крајот на октомври 2024 година се роди синот Тони.
Петар отсекогаш сакал да го именува својот син Тони, по дедото, а со оглед на тоа што така се вика и таткото на Хана, нема сомнеж дека Тончи Хуљиќ е пресреќен што внукот го носи неговото име.
Иако сега Петар Грашо и Хана Хуљиќ уживаат во родителството и среќниот брак, почетокот на нивната врска го одбележаа шпекулациите дека една личност останала со скршено срце поради нивната љубов, а станува збор за пејачката Данијела Мартиновиќ.
Раскинувањето на дводецениската емотивна врска на Петар со пејачката ја шокира тогашната јавност, а неодамна се дозна дека слична епизода имала и неговата сегашна сопруга, која го оставила поранешното момче заради Петар.
Имено, пред врската со Грашо, ќерката на Тончи била во осумгодишна врска со пијанистот Томислав Шошиќ, кого го чувала подалеку од љубопитните очи на јавноста, па не се познати многу детали за нивната љубовна приказна, а во една пригода таа само кратко прокоментира дека нејзиниот познат татко е задоволен од нејзиниот избор.
Не се знае што точно ѝ пресудило на нивната врска, дали е тоа Петар кон кого имала чувства уште од мала или, пак, далечината го направила своето откако бившиот дечко на Хана заминал на студии по џез пијано во Естонија, каде што често го посетувала.
Иако Хана многу често го посетуваше, што споделуваше и на социјалните мрежи, разликите беа очигледно несовладливи, па дошло до, како што велат упатените, пријателско раскинување, така што поранешните партнери останале во пријателски односи, исто како што тврди и Петар за неговата врска со Данијела Мартиновиќ.
Фото: Printscreen Instagram
