Малата Тара ја победи болеста – ѕвончето на Детска клиника ѕвони за живот

По две години борба со тешката болест Neuroblastoma Metastaticum, тригодишната Тара Младенов денес го заѕвони победничкото ѕвонче на Детската клиника во Скопје, симболизирајќи крај на лекувањето, пишува ТВ СТАР.

Тара, близначка и ќерка на Христина и Петар Младенови, се соочила со дијагнозата неколку месеци по раѓањето. Лекувањето го поминала во Скопје, Љубљана и Истанбул. Мајката Христина со емотивна објава ја сподели радосната вест и им се заблагодари на сите што биле дел од нивната борба.

Храброто девојче сега е симбол на надеж и сила за сите семејства кои се борат со слични предизвици.