Пазарот на криптовалути навлегува во период на продолжена корекција. Оваа промена се должи на острата реторика од страна на Федералните резерви на САД (ФЕД), зголемените геополитички тензии и пренасочувањето на капитал кон акции на компании од секторот на вештачка интелигенција. Овие фактори би можеле да доведат до тестирање на нивото од 70.000 долари за биткоинот до крајот на мај.
Ова го истакна Александар Баришников, управник на фондот „Мајнинг“ во УК „Рекорд капитал“.
„Во периодот од 11 до 17 мај, биткоинот забележа загуба од 5,78 отсто од својата вредност, спуштајќи се на 77.457 долари. Етереумот, пак, доживеа уште поголем пад од 10,13 отсто, достигнувајќи цена од 2.131 долар.
Алткоините губат позиции на сите полиња. Очигледно е дека средствата се прелеваат кон акции на ИА-компаниите, кои продолжија да поставуваат рекорди откако беа укинати рестрикциите за извоз на чипови на ’Нвидија’ кон Кина“, објасни експертот.
Друг клучен фактор што влијае на состојбата е влошувањето на макроекономската клима. Најновите податоци за инфлацијата во САД ги засилија очекувањата дека Федералните резерви ќе продолжат со својата рестриктивна монетарна политика.
Дополнителен притисок врз пазарот создадоа и изјавите на новиот претседател на ФЕД, Кевин Ворш, кој ја потврди својата посветеност на спроведување на рестриктивна политика.
Извор: МИА
