Microsoft отпушти три проценти од работниците.

Американската технолошка фирма Мајкрософт денес објави дека ќе отпушти три отсто од своите работници на сите нивоа и географски локации.

“Продолжуваме да спроведуваме неопходни организациски промени за најдобро да ја позиционираме компанијата за успех на динамичниот пазар”, рече портпаролот на Мајкрософт во изјава за Си-Ен-Би-Си.

Според последните податоци, Мајкрософт имаше 228.000 вработени ширум светот кон крајот на јуни, што укажува дека оваа последна одлука ќе погоди илјадници работници.