77
На 10.03.2023 година во 11:10 часот на подрачјето на Кисела Вода, полициски службеници од Одделението за насилнички криминал, Единицата за насилнички криминал при СВР Скопје го лишија од слободата И.Ј. (38) од Скопје, поради основано сомнение за сторено кривично дело “Изнуда”, казниво по член 258 од Кривичниот законик.
Се преземаат мерки по пријавата од 20.02.2023 година во 19:00 часот од оштетеното машко лице од Скопје, дека во временскиот период од август 2022 година до 20.02.2023 година пријавениот И.Ј. со закани во неколку наврати изнудил 2.000.000 денари поради претходен долг на неговиот син. Јавниот обвинител е запознат со случајот и по целосно документирање на случајот, ќе биде поднесен соодветен поднесок.
