Денес, фитнес-тренерот Вики Балшевска ви ги преставува нејзините ТОП 5 вежби за тонирани и цврсти раце
,,Убавина и здравје” заради афирмирање на вежбањето и здравиот начин на живот започна серијал на презентација на вежби кои ќе ви помогнат да намалите килограми и да го ремоделирате вашето тело.
Денес, фитнес-тренерот Вики Балшевска ви ги преставува нејзините ТОП 5 вежби за тонирани и цврсти раце.
Овие вежби ќе Ви помогнат да ги зацврстите и извајате вашите раце и да изгледате попривлечно од кога било претходно. Освен што ќе имате совршени раце, со дел од овие вежби исто така ќе го активирате јадрото и долниот дел од вашето тело со што добивате одличен тренинг за целото тело.
Dumbbell Biceps Curls
Застанете исправено и стапалата нека ви бидат поставени во ширина на колковите. Активирајте ги и стомачните мускули.
Држете по еден тег во секоја рака, со тежина по избор. Во овој случај, вежбата е прикажана со тег по 1 кг во двете раце. Оставете ги рацете слободно да паѓаат.
Држете ги надлактиците стабилни, свиткајте го лактот и подигнете ги теговите така што ќе ги приближите до рамениците. Лактите треба да останат блиску до вашето тело.
Издишете додека кревате.
Спуштете ги теговите во почетната позиција.
Dumbbell Front Raise
Застанете исправено како за претходната вежба и кренете ги рацете до висина на вашите рамена.
Започнете го движењето нагоре со бавно подигање на рацете. Кревајте ги рацете додека лактите бидат во линија со рамениците или веднаш под рамениците. Оставете ги лопатките да се движат природно со рамените зглобови. Вашите дланки треба да бидат свртени кон подот.
Паузирајте една секунда пред да ги спуштите тегови.
Полека спуштете ги рацете за да ги вратите теговите во почетната позиција.
Dumbbell Lateral Raises
Поврзани објави
Држете го грбот исправен, а горниот дел од телото мирен – тоа значи дека не треба да правите замавнувања.
Подигнете ги теговите странично, држејќи ги теговите повисоко од лактите.
Кревајте додека рацете бидат паралелни на подот, а потоа полека спуштете ги до почетната положба.
Dumbbell Reverse Fly
Застанете со свиткани колена и држете ги теговите во секоја рака.
Наведнете се напред, со исправен грб, оставајќи ги рацете да висат до вашите листови со благо свиткани лакти.
Полека кревајте ги теговите додека лактите се израмнат со рамениците.
Повторете ги движењата.
Покрај тоа што се зголемува силата на надлактицата, оваа вежба ги зајакнува и ромбоидните и трапезоидните мускули во горниот дел од грбот. Овие мускули се клучни за вашето држење и вашата мобилност, па затоа важно е да ги одржувате во одлична состојба.
Standing Bent-Over Two Arm Dumbbell Triceps Extension
Држете ги теговите во секоја рака со неутрален стисок (дланките свртени навнатре).
Поставете ги двете стапала на подот во ширина на колковите.
Додека одржувате благо свиткување на колената, наведнете се нанапред додека вашето торзо биде паралелно со подот.
Свиткајте ги лактите за да ги доведете теговите во висина на градите.
Истегнете ги рацете наназад паралелно, додека лактите бидат целосно исправени и вратете ги пак во висина на градите.
