Филков од Смилево:Илинден и АСНОМ се темелот на отпорот за слобода

Министерот за правда Игор Филков беше дел од владината делегација која во демирхисарското село Смилево положи цвеќе на могилата на Даме Груев, на споменикот на Смилевските илинденци и на спомен плочата на партизанскиот одред. Илинден е најголем празник на државата кога се оддава почит на борците за македонската кауза чија пожртвувана борба е вткаена во темелите на нашата државност изразувајќи го континуитетот и стремежот на нашите граѓани за создавање на своја држава.