Сликите на руската подморница на нуклеарен погон што се закотви во Хавана минатата недела за воени вежби, се чини дека покажуваат одредена штета на нејзиниот труп, покренувајќи низа прашања на социјалните мрежи. Подморницата Казањ на нуклеарен погон и другите поморски бродови се укотвија во пристаништето Хавана на 12 јуни. Русија распореди воени бродови и авиони во Карипското Море минатата недела за планирани воени вежби – потег за кој САД соопштија дека не се вознемирени.
Набљудувачите на тековната руско-украинска војна споделија фотографии од закотвената подморница на социјалните мрежи, укажувајќи на празни дупки во трупот на бродот. Подморниците обично се опремени со невидливи облоги или анехоични плочки, кои се дизајнирани да апсорбираат звучни бранови, што ги прави помалку ранливи на напади и потешки за следење на непријателските бродови. Вообичаено е да се видат поправки на трупот но ова е прв пад да се забележи дека недостасуваат делови.
