Дознајте како Симона Салтирова ја одговори нашата верзија на Прустовиот прашалник
Еден од најдобрите начини да се запознае одредена личност е Прустовиот прашалник на францускиот есеист и новелист Марсел Пруст. Ова е нашата верзија на познатата алатка за разоткривање на човечката природа, а овој пат одговараше нашата мејкап-артистка Симона Салтирова (@simsaltirova).
1. Најголемиот тренд моментално е… силно руменило и негувана кожа, малку нашминкана.
2. Најмногу им се восхитувам на… мојата мајка и блиските луѓе.
3. Се издвојувам од другите зашто сум… амбициозна, дисциплинирана, имам препознатлив стил и креативен израз.
4. Убавина е… она што доаѓа однатре, сè друго е минливо.
5. Се грижам за моето здравје така што… го слушам телото и му го давам што му е потребно.
6. Мојот животен стил би го опишала како… кул.
7. Ме нервира кога… немам енергија за сите мои желби и обврски.
8. Среќна сум кога… сум во природа, во креативен процес и во љубов.
Поврзани објави
9. Талент што би сакала да го поседувам е… да имам убав вокал, многу сакам да пеам.
10. Мојот најголем страв… зависи од моменталниот животен предизвик, работам на него и секогаш го совладувам.
11. Веднаш би се преселила во… Њујорк или на егзотично место како Занзибар.
12. Најголемата лекција што ја имам научено е… не е злато сè што сјае.
13. Љубов е… нешто за што сме направени и од кое сме направени.
14. Тајна што никој не ја знае… одам во вежбалница со маслиново масло на косата собрана во висок кок кога е ден за миење коса, како третман за убавина.
15. Омилен сегмент од „Убавина и здравје“ ми е… рубриката „Убавина & стил“, особено последното издание за негата на славните.
Разговарала: Марија Лукаревска
ФОТО: ПРИВАТНА АРХИВА
АЛЕКСАНДРА ШИЈАКОСКА: „Убавина е да си легнеш со чиста совест на перница“
