Communications Safety е функција достапна кај iOS, iPadOS и macOS, која во главно е наменета за помалите корисници, поточно нивна заштита од отворање и гледање на неприкладни слики прекy Messages апликацијата.
Со пуштањето на најновите верзии од овие системи оваа есен, Communications Safety ќе им стане достапна на сите корисници во светот, а засега е достапна само во десеттина земји.
Оваа функција во основа прави скенирање на сликите кои се добиваат или испраќаат преку Messages за тоа дали содржат неприкладна содржина, поточно голотија и слично. Истата ќе им биде автоматски вклучена на корисниците кои имаат помалку од 13 години.
Доколку некоја слика се смета дека содржи несакана содржина, истата ќе биде заматена, а предупредување исто така ќе има и при испраќањето на вакви слики.
Скенирањето на сликите се прави локално на уредот, па приватноста на корисниците би требало да остане заштитена, а посебно што iMessages сервисот нуди шифрирана комуникација која ни Apple не би требало да има пристап до истата.
Оваа година Communications Safety ќе биде проширена да ги опфаќа и видеата, како и содржината која се испраќа и добива преку AirDrop, FaceTime и сликите за контактите. Дополнително, програмерите ќе можат да ја искористат API алатката за да ја вградат оваа функција и во нивните апликации.
