Овие луѓе се обидоа да им ги нарушат односите.
Цеца Ражнатовиќ и Вики Миљковиќ се пријателки од детството, а пријателството го крунисаа со кумство. Вики е една од ретките луѓе на кои фолк-пејачката безрезервно им верува, и тоа до степен да ѝ го довери реновирањето на нејзината вила на Кипар.
Во моментов, работиме на градежниот проект. Проектот за ентериерот, поточно дизајнот, го завршивме одамна. Прво требаше да се направи само реконструкција, но таа реконструкција беше многу, многу голема. Сменивме се’, а сега куќата на Цеца ќе има над 600 квадрати. Тоа е многу голема операција и кога јас, Цеца и Лидија разговаравме, дојдовме до заклучок дека најверојатно се’ ќе почне од почеток. Цеца има целосна доверба. Таа ни ја довери целата работа на мене и на Лидија, како и на нашиот тим архитекти – изјави Вики за медиумите во октомври 2022 година.
Поврзани објави
Е сега, како што дознава српски „Курир“ од добро упатен извор, работите на вилата во Аја Напа, која моментално е во многу лоша состојба, не се ни почнати, а како што може да се заклучи врз основа на изјавите на Виолета од минатата година, веќе требаше да бидат во полн ек.
Со оглед на тоа, многумина помислија дека фолк-дивата се предомислила и дека пријателството и кумството на Цеца и Вики е нарушено, но вистината е сосема поинаква. Главната пречка за спроведување на нивната работа се кипарските власти, кои сè уште не им издале градежна дозвола.
Закочени сме со самото добивање на градежната дозвола на Кипар, што не зависи од нас, туку од нивните државни органи. Во меѓувреме, се случија некои глобални катастрофи, па чекаме да се исполнат сите тие услови за да продолжиме – рече Миљковиќ.
