Портокалови пиперки издлабени како страшни тикви, полнети со мелено месо, ориз и домати – вкусна и креативна идеја за тематски ручек или вечера.
Ако сакате да ја направите Ноќта на вештерките уште позабавна, овие полнети пиперки се одличен избор. Наместо класичен изглед, портокаловите пиперки се издлабуваат во форма на страшни лица, како традиционалните тикви, а потоа се полнат со сочна смеса од мелено говедско месо, ориз, домати и сирење.
Подготовката трае околу 15 минути, а печењето уште 45 минути. Количините се доволни за четири порции.
Состојки:
- 450 г мелено говедско месо
- 4 портокалови пиперки бабури
- 400 г сечкани домати од конзерва
- 1 главица кромид, ситно сечкана
- 2 чешниња лук, истолчени
- 250 мл пилешки бујон
- 180 г сварен бел ориз
- 80 г рендано сирење
- 2 лажички чили во прав
- маслиново масло
- сол и црн пипер
Подготовка:
Загрејте ја рерната на 180 степени. На пиперките отсечете им ги врвовите и зачувајте ги. Отстранете ги семките и внатрешноста, а потоа со остар нож внимателно издлабете страшни лица на секоја пиперка, како да резбате тиква.
Внатрешноста премачкајте ја со малку маслиново масло и зачинете со сол и црн пипер. Наредете ги пиперките исправено во поголем огноотпорен сад, заедно со отсечените врвови.
Во тава загрејте малку маслиново масло и пропржете го кромидот околу пет минути, додека не омекне. Додајте го лукот и гответе уште една минута, додека не ја ослободи аромата.
Поврзани објави
Потоа додајте го меленото месо и пржете на средно висока температура додека целосно не ја промени бојата. Исцедете го вишокот маснотии.
Вратете ја тавата на оган, зачинете со сол, црн пипер и чили во прав. Додајте ги доматите, половина од бујонот, сварениот ориз и три четвртини од ренданото сирење. Мешајте додека состојките добро не се соединат.
Со подготвената смеса наполнете ги пиперките, а одозгора распоредете го преостанатото сирење. Во садот околу нив истурете го остатокот од бујонот.
Покријте со алуминиумска фолија и печете 30 минути. Потоа отстранете ја фолијата и печете уште 10 до 15 минути, додека пиперките не омекнат, а сирењето не се растопи и зарумени.
Може да ги приспособите според вкусот
Овој рецепт лесно се менува според вашите желби. Говедското месо може да го замените со мелено пилешко или мисиркино месо, а во филот да додадете пченка или ситно сечкан морков.
За вегетаријанска варијанта, месото заменете го со леќа или комбинација од печурки и житарки. Пиперките може да ги послужите и врз сос по ваш избор.
Фото: Gemini_Generated_Imageц
