Принцот Хари за американските медиуми откри дека поминал низ пекол кога се преселил во Канада, откако ја напуштил Велика Британија поради Мегзит
Принцот Хари неодамна даде едно од своите најинтимни интервјуа, во кое откри дека западнал во сериозна депресија по напуштањето на Велика Британија за време на „Мегзит“, како и дека тагата по мајка му го скршила дури многу подоцна во животот.
Принцот Хари страда, и тоа не го крие од јавноста. Четириесет и едногодишниот принц признал дека првпат заплакал за мајка си на гробишта, дури две децении по нејзината смрт, откако поминал низ сериозна психотерапија што му помогнала да се соочи со емоциите длабоко закопани во неговата душа.
„Дејли мејл“ откри неколку прилично шокантни детали за принцот Хари, откако тој зборуваше на американската образовна платформа MasterClass.
За заминувањето од Велика Британија
„Се преселивме во Канада за малку да се оддалечиме од сè и едноставно да размислиме“, рекол Хари.
„Само два-три дена откако ја напуштивме таа стресна средина, доживеав ненадеен пад на адреналинот, каков што никогаш претходно не сум почувствувал. Како мозокот да ми имаше потреба од стрес за да функционира. Дома станав бескорисен. Западнав во депресија околу две недели и имав чувство дека не можам да функционирам без адреналин.“
Шест години по „Мегзит“, војводата и војвотката од Сасекс се родители на две деца, Арчи и Лилибет, а повторно престојуваат во Обединетото Кралство. Децата тргнале на училиште во областа Котсволдс.
Хари денес вели дека се придржува до строго правило од „десет дена“ за да ја зачува својата среќа.
„За мене, најважни се енергијата, радоста и среќата што ги црпам од времето поминато со семејството – особено со нашите деца – како и од непосредната работа на терен“, објаснил тој.
„Клучот за одржување на таа рамнотежа е да не поминувам повеќе од десет дена одвоен од сопругата и децата. Станува збор за балансирање меѓу работата и чувството дека правам нешто што има смисла, од една страна, и улогата на татко и сопруг, од друга.“
Поврзани објави
За смртта на мајка му
Хари открил дека речиси 20 години по смртта на мајка му не плачел за неа, иако, како што вели, на Дијана мисли „речиси секоја вечер, а потоа и повеќето утра“.
Неговиот терапевт го поттикнал да го пронајде парфемот на Дијана за да ја „отклучи“ својата тага, откако сфатил дека веќе не се сеќава како звучеле нејзиниот глас и смеа.
Војводата рекол дека ова искуство имало исклучително силно влијание врз него и врз начинот на кој ја доживувал загубата. Мирисот ги вратил спомените и емоциите што долго време ги потиснувал.
„Беше како да сум пренесен во некое друго време“, рекол Хари.
„Тоа отклучи сè што дотогаш беше заклучено. Нанесувањето на парфемот на мајка ми беше речиси како да уривам неколку цигли од ѕидот, за да видам што има од другата страна и да им овозможам на одредени спомени и искуства повторно да испливаат на површината.
Додека се обидував да продолжам понатаму и да го зачувам нејзиното наследство, не сфаќав дека работата што ме привлекуваше е толку слична на онаа со која таа се занимаваше.“
Зборувајќи за смртта на мајка си, Хари се присетил:
„Не заплакав кога ми соопштија дека мајка ми починала. Плачев само на нејзиниот погреб, а потоа речиси две децении не пуштив ниту една солза.
Бев убеден дека тоа е знак на сила, но не беше така. Бев само дванаесетгодишно момче кое не смееше да се скрши и кое немаше насоки како да ја преболи загубата. Долго време бев емоционално вкочанет, бидејќи чувствував дека ја изневерувам и дека сум виновен ако помислам дека можам да бидам среќен без неа. Имав чувство дека морам да останам тажен и емоционално затворен за да докажам колку ми недостига.“
Хари објаснил и дека терапијата целосно му го променила погледот кон животот.
„Сфатив дека таа само сакала да бидам среќен. За мене тоа беше огромна промена во начинот на размислување. Ме ослободи и ми овозможи да го гледам животот од сосема поинаква перспектива“, заклучил принцот.
ФОТО: ИНСТАГРАМ
