Само неколку минути пред снимањето, Адријана се нашла во неочекувана ситуација, но колешката Анета Љумаковска без двоумење застанала до неа и го презела чешелот во свои раце.
Зад секое телевизиско снимање стојат подготовки кои гледачите речиси никогаш не ги гледаат. Шминка, фризура, гардероба, последни проверки и брзање пред да се вклучат камерите – а токму една таква ситуација од шминкерницата сега ја сподели Адријана Алачки.
Познатата македонска пејачка и телевизиско лице откри дека непосредно пред снимањето на една од нејзините емисии нејзиниот фризер не успеал да стигне навреме. Наместо паника и дополнителен стрес, во последните минути пред „акција“ се случила една сосема поинаква сцена.
Во шминкерницата била и нејзината гостинка, пејачката Анета Љумаковска, која без многу размислување решила да помогне. Зела чешел во рака и ѝ понудила на Адријана сама да ѝ ја среди фризурата. Токму овој гест Алачки го издвои како пример за вистинска колегијалност и професионална емпатија.
Ова се вика „една колегијална“. Бидна и фризурата, ама кој ми ја правеше?“, напиша таа, опишувајќи ја случката.
Алачки потоа откри дека сето тоа се случило буквално неколку минути пред почетокот на снимањето.
Кога одбројуваш едвај уште 5 минути до „акција“ и влегуваш во студио, а фризерот објективно не стигнува… На сцената стапува Анета Љумаковска-Размоски“, раскажа таа.
Поврзани објави
Со малку хумор, но и со очигледна благодарност, Адријана ѝ се заблагодари на колешката за помошта.
Кој вели дека нејзиниот талент е ограничен само на микрофонот и песна? Со ретка професионална несебичност и без двоумење зеде чешел во рака и едноставно рече: „Дај, јас ќе ти помогнам!“ Ете тоа е одлика на вистински колега – природна емпатија“, напиша Алачки.
Моментот е интересен токму затоа што покажува една поинаква страна од телевизиската работа – онаа што останува зад сцената, далеку од светлата, камерите и вниманието на гледачите.
Фото: Инстаграм
