Јубилејното 70-то издание на Eurovision Song Contest 2026 оваа година е во знакот на моќните женски настапи, а според обложувалниците и реакциите на публиката, токму неколку пејачки важат за најголеми фаворити за победа на вечерашното финале во Vienna.
На самиот врв на листите се наоѓа финската претставничка Linda Lampenius, која заедно со Pete Parkkonen настапува со песната „Liekinheitin“. Нивниот настап со комбинација од рок, електро звук и виртуозна виолина веќе со месеци е еден од најкоментираните на социјалните мрежи, а Финска според букмејкерите важи за главен фаворит за триумф.
Меѓу најсилните женски имиња годинава е и австралиската ѕвезда Delta Goodrem со баладата „Eclipse“. Нејзиниот впечатлив полуфинален настап, придружен со раскошна сценографија и моќни вокали, ја вивна Австралија меѓу фаворитите за висок пласман.
Големо внимание привлекува и шведската претставничка FELICIA со песната „My System“, која според аналитичарите има потенцијал да стане еден од најголемите радио-хитови по натпреварот. Шведска повторно е меѓу земјите со најголеми шанси за победа.
Во трката за врвот се споменува и полската пејачка Alicja со емотивната песна „Pray“, која доби позитивни реакции по полуфиналниот настап и важи за едно од најсилните женски вокални изведби оваа година.
Фановите на Евровизија посебно ги издвојуваат и Есила од Белгија, Антигони од Кипар, Алис од Албанија, Сара Енџелс од Германија.
Според многумина, токму 2026 може да биде една од најсилните години за женските изведувачи во последната деценија на Евровизија, бидејќи комбинацијата од моќни вокали, модерна продукција и впечатливи сценски настапи ја прави конкуренцијата неизвесна до самиот крај.
