Премиерот на Гренланд, Јенс-Фредерик Нилсен, денеска, во своето обраќање пред Парламентот на Данска, изрази загриженост дека Вашингтон продолжува да има намера да воспостави доминација врз Гренланд, и покрај тоа што американскиот претседател Доналд Трамп ја отфрли можноста за употреба на воена сила.
„Ставот на Трамп во однос на Гренланд и неговите жители останува непроменет – Гренланд треба да биде припоен кон САД, а управувањето со Гренланд треба да биде под надлежност на САД“, предупреди Нилсен пред данските пратеници, нагласувајќи дека САД упорно бараат „начин да обезбедат сопственост и доминација над Гренланд“.
На почетокот на оваа година, претседателот Трамп го интензивираше притисокот и реториката за воспоставување американска контрола врз Гренланд.
