Италијанската актерка Моника Белучи, една од најпрепознатливите и најценети жени во светот на филмот и модата, уште еднаш докажа дека стилот нема возраст. Таа привлече огромно внимание со своето појавување на свечениот настан по повод 200-годишнината од угледниот француски весник „Le Figaro“, кој се одржа во Париз.
На гламурозната прослава, на која присуствуваа бројни познати личности од јавниот и политичкиот живот, меѓу кои и францускиот претседател Емануел Макрон, Белучи се појави во црн костум со проѕирна блуза, со што испрати јасна порака за самодоверба, женственост и модна слобода.
Со овој моден избор, актерката уште еднаш покажа дека не се плаши да ги помести границите на класичната елеганција. Проѕирната блуза, без класичен градник, суптилно ја истакна нејзината сензуалност, без да ја наруши префинетоста на целокупниот изглед.
Модните критичари истакнуваат дека ваквите комбинации се дел од современите трендови кои ги слават природната убавина и индивидуалноста, а Моника Белучи важи за една од ретките жени што со леснотија ги носи и најсмелите модни решенија.
Поврзани објави
И покрај годините, таа останува симбол на класична убавина и достоинствена сексапилност, докажувајќи дека вистинскиот стил не зависи од возраста, туку од ставот, самодовербата и автентичноста.
Видео и фото: Инстаграм
