Поранешната ТВ-ѕвезда искрено проговори за јавниот линч, најтешките загуби и борбата да продолжи понатаму
Водителката Сузана Манчиќ отворено проговори за најболните моменти во својот живот, признавајќи дека скандалот со интимната снимка од 2005 година го доживеала потешко дури и од загубата на дете. Таа вели дека тоа бил период кој сакала да го избрише од меморијата, но траумата и денес е присутна.
По објавувањето на снимката, Манчиќ се повлекла целосно од јавноста. Не излегувала од дома, децата не оделе на училиште, а роднините ѝ носеле храна. Најтешко ѝ паднало чувството дека го изгубила достоинството и дека луѓето кои дотогаш ја сакале, почнале да ја гледаат со осуда. Иако, како што нагласува, не била виновна, била изложена на суров јавен линч.
Поврзани објави
Со солзи во очите, таа се присети и на трагичните моменти од мајчинството. Првиот син го родила во шестиот месец и го изгубила по само два часа, а подоцна имала и неколку спонтани абортуси. Докторите ѝ кажале дека можела да има три сина, но судбината имала поинаков план. Сепак, животот ѝ донел две ќерки – Теодора и Наталија, кои денес ги нарекува своја најголема радост и доказ дека по секоја болка доаѓа светлина.
На крајот, Манчиќ зборуваше и за прифаќањето на годините и борбата со времето. Таа не крие дека се грижи за својот изглед и користи антиејџинг третмани, но со мера и внимание. Нејзината порака е дека животот носи и страшни загуби и големи радости, а најважно е човек да научи да се помири со болката, да ја прифати и да продолжи напред.
printskrin youtube – HYPE TV – mancic
