Првиот заеднички интервју на пејачката и Каспер предизвика лавина реакции и поделени мислења
Првото заедничко интервју на Мина Костиќ и нејзиното момче Мане Ќурувија, познат како Каспер, предизвика вистинска бура на социјалните мрежи. Кратки исечоци од разговорот со денови се споделуваат, а најмногу се коментира изразот на лицето на пејачката.
Корисниците на мрежите забележаа дека Мина не изгледа особено среќно, а некои отидоа и чекор подалеку, коментирајќи дека „повесели биле и на некои погреби“. Токму нејзиниот сериозен и воздржан израз стана главна тема на онлајн дискусиите.
Во интервјуто, Мина раскажа дека нивната врска започнала откако се запознале во живо, по подолг виртуелен контакт. Таа истакна дека меѓу нив владее чувство како да се знаат цел живот, дека одлично функционираат заедно и дека нејзината ќерка го прифатила Каспер со многу љубов.
Сепак, на социјалните мрежи се појавија и обвинувања на сметка на Каспер, дека на сличен начин претходно бил верен со поранешна учесничка во реално шоу, поради што дел од јавноста го нарече измамник. И покрај тоа, Мина тврди дека тој ги исполнил, па дури и ги надминал сите нејзини очекувања.
Printscreen/Instagram/minakostic_official
