Пејачот раскажа како со сопругата тајно го чекале синот Иван и веднаш му приредиле незаборавно изненадување
Пејачот Аца Илиќ за медиумите сподели емотивни детали од денот кога неговиот син Иван Илиќ, кого го доби во бракот со пејачката Билја Јевтиќ, го положи последниот испит и дипломираше на Правниот факултет.
Илиќ откри дека тој и Билја дошле во близина на факултетот, но намерно не му кажале ништо на синот. Седнале во кафуле и трпеливо чекале да им се јави со веста. Иако повикот доцнел, Аца бил уверен дека сè ќе заврши успешно – што набрзо и се потврдило кога Иван се јавил со зборот:
Десетка!“.
Радоста во тој момент, како што раскажа пејачот, била огромна. Иако Иван им рекол да дојдат дури по еден час, бидејќи пиел кафе со колешки, родителите не издржале. Без двоумење тргнале веднаш, решени тие да бидат првите што ќе му честитаат на големиот успех.
Аца нагласи дека зад дипломата стојат години труд, одрекувања и заемна поддршка, особено поради тежината на Правниот факултет. Со насмевка додаде и анегдота дека синот сега го задева, велејќи дека веќе нема да може да му зборува „ајде Иване, учи“, но пејачот сигурно ќе најде нов повод – бидејќи, како што самиот призна, секогаш мора нешто да коментира.
printskrin youtube – informer – aco ilic
