Соопштението на Демократскиот сојуз вели дека може да се случи да останеме без патишта и милионски европски суми поради големите обврски на фирмите кои треба да ги изградат. Ова е во врска со трошењето на повеќе од 20 милиони евра на државните институции за изградба на коридорите 8 и 10-д од конзорциумот Бехтел и Енка во вредност од 1 милијарда и 300 милиони евра, како и над 300 милиони евра за експропријација на земјиштата за патиштата.
Денеска, Демократскиот сојуз бара од Државниот завод за ревизија да направи ревизија на дотогашните активности и трошењето на овие милионски суми. Во истото соопштение се спомнуваат контроверзните и коруптивни информации во врска со консултанти и надзор што предизвикуваат прашања околу целокупниот проект и можат да угрозат истиот.
Демократскиот сојуз предлага владата да достави информации до парламентот за дотогашните активности и на истиот да му биде дозволено да отвори расправа. Се заклучува дека државните институции (МВР, АНБ, УЈП итн) и јавното обвинителство треба да бидат прегледани и истражени поради можните криминални активности на високите функционери вклучени во овие сомнителни активности.
