Пејачката Гоца Тржан и нејзиниот сопруг Радомир Новаковиќ денес слават годишнина од бракот.
Гоца се огласи на социјалните мрежи и напиша емотивна порака покрај фотографиите со нејзиниот сопруг.
– И еве нè, точно пред десет години на овој ден… Речиси никој не ни даваше ни две години, а точно 10 години траење ме воодушевуваат и мене, бидејќи да ме издржиш мене, ваква, заслужува восхит. Само ти го разбираш разгаленото девојче и жената во едно пакување, само ти го сакаш бесниот чичко со мустаќчиња и кратки нозе кој излегува од мене кога се чувствувам немоќна и лута…и нежната, емотивна жена кога се чувствувам најмоќна. Ти разбра сè и успеа да ме охрабриш да ги помирам сите спротивности во себе. И еве нè по 10 години, сè уште сме семејство, побогати за возрасна девојка, побогати за сите луѓе што ги запознавме и можеме да ги наречеме пријатели, побогати за надминати таги и недостатоци, побогати за секое утро заедно.
Поврзани објави
Знаеш дека мразам патетика, но треба да ти се заблагодарам: за сè што правиш за нас како татко, сопруг, пријател и маж, што не ни дозволуваш да ги земаме работите здраво за готово, што си постојано различен и подобар, и за тоа ти се восхитувам, за фактот што и јас постојано сакам да бидам подобра. Те сакам, те сакам слободно. Нека ни е со среќа. Не сме лоши: 14 години заедно, од кои 10 во брак. Кој би рекол за вакви двајца лудаци“, напиша Гоца.
