Во родниот град на Шабан Шаулиќ, на 18 септември ќе се одржи голем концерт во негова чест, во организација на Министерството за култура и градот Шабац. Настанот ќе биде посветен на сеќавањето на легендарниот „крал на народната музика“, кој трагично го загуби животот во сообраќајна несреќа во Германија на 19 февруари 2019 година.
Со оркестарот на Миша Мијатовиќ, на главниот градски плоштад ќе настапи голем број изведувачи кои ќе ги отпеат најголемите хитови на Шаулиќ. Меѓу најавените имиња се неговата ќерка Илда Шаулиќ, како и Љуба Аличиќ, Драган Којиќ Кеба, Хасан Дудиќ, Беки Бекиќ, Емир Хабибовиќ, Јован Михајлица, Нермин Ханџиќ, Милица Миловановиќ, Урош Живковиќ и неговиот кум Мирко Кодиќ.
Поврзани објави
Шапчани велат дека нивниот сограѓанин никогаш нема да биде заборавен, бидејќи неговите песни ќе живеат вечно. Во паркот каде што некогаш стоела автобуската станица од која тргнал во музичките води, пред три години беше поставен споменик во негова чест. Тој монументален објект од гранит со бронзена скулптура, откриен на неговиот роденден на 6 септември 2022 година, денес е место каде редовно се полага свежо цвеќе.
Во текот на традиционалниот Малигоспојински вашар, кој оваа година трае од 14 до 23 септември, многубројните посетители на Шабац не ја пропуштаат можноста да му оддадат почит на кралот на народната музика. Концертот на 18 септември ќе биде уште една причина повеќе градот да се исполни со гости и љубители на делото на незаборавниот пејач.
printskrin Youtube – vecernje novosti saban saulic
