Table of Contents
Еве кој треба да биде внимателен, бидејќи ова овошје може да му ја влоши состојбата
Дињата и лубеницата се летните ѕвезди меѓу овошјето – освежуваат, хидрираат и полни се со витамини. Меѓутоа, иако важат за здрава ужина, кај некои луѓе може да предизвикаат сериозни проблеми, особено кога станува збор за работата на бубрезите. Ова се состојбите кај кои не се препорачуваат диња и лубеница, бидејќи би можеле да го влошат здравјето…
1. Хронични болести на бубрезите
Дињата и лубеницата содржат високо ниво на калиум, минерал кој кај здравите лица се исфрла преку бубрезите. Меѓутоа, кај луѓето со ослабена функција на бубрезите, вишокот калиум може да се задржи во крвта и да доведе до хиперкалемија, која може да предизвика неправилности во работата на срцето, слабост на мускулите, па дури и срцев застој.
Гастроентерологот Бакиџан Рускулули тврди:
„Лубеницата го поттикнува мокрењето и ја засилува функцијата на бубрезите, поради што не треба да ја консумирате во големи количества во случај на хронична бубрежна инсуфициенција.“
2. Дијабетес
Поради високиот гликемиски индекс, дињата и лубеницата можат нагло да го покачат нивото на шеќер во крвта. Луѓето со дијабетес тип 1 и 2 треба да ги консумираат во мали количини и секогаш со претходна лекарска консултација, бидејќи комбинацијата на висок шеќер и оптовареност на бубрезите може да биде особено ризична.
Поврзани објави
3. Хипотензија (низок притисок)
Лубеницата има благо диуретичко дејство, го поттикнува исфрлањето на течностите од организмот, што дополнително го снижува притисокот. Кај лицата со веќе присутна хипотензија може да доведе до вртоглавици, чувство на слабост, дури и несвестица.
4. Синдром на нервозни црева
И двете овошки содржат фруктоза и други ферментабилни шеќери, што може да предизвика гасови, грчеви, подување и дијареја кај лицата со чувствителни црева.
5. Алергии
Кај луѓето кои се алергични на амброзија, дињата и лубеницата може да предизвикаат орален алергиски синдром – јадеж во устата, пецкање на усните и отекување на јазикот. Во поретки случаи, реакцијата може да биде и посериозна.
Иако се освежителни и вкусни, дињата и лубеницата не се за секого. Луѓето со бубрежни проблеми, дијабетес, низок притисок, проблеми со цревата и алергии би требало да бидат особено внимателни. Во овие случаи, она што на повеќето им годи, може да направи сериозен хаос во организмот.
